Акцыя салідарнасцi i падтрымкi
Гэтым разам у нас тры задачы.
1.Выказаць салідарнасць з палітзняволеннымі, колькасць якіх, нажаль, павялічваецца штодня. Прыгадаць, што ў Беларусі працягваюцца затрыманні і арышты, як працягваецца і барацьба беларусаў за свабоду.
Мы разумеем, што ва Ўкраіне бяда, але памятаем, што і ў Беларусі ціхі жах.
2.Падтрымаць Пагоню
Нашы смелыя ваяры зараз сфарміравалі ва Ўкраіне полк Пагоня https://t.me/belpolk_pagonya
Яны патрабуюць нашай падтрымкі. Падтрымка можа быць як непасрэдна грашовай (інфа аб гэтым будзе пазней), так і рэчавай.
У нядзелю можна прыносіць:
- гігіенічныя наборы (зубная шчотка з футлярам, зубная паста, гель для душа, аднаразовая брытва, любы крэм для увільгатнення скуры, гігіенічныя памада для вуснаў, антысэптычны крэм/спрэй для ног)
- Кампактныя рушнікі, якія не займаюць шмат месца (ёсць у дэкатлоне)
- Стэрыльныя хірургічныя пальчаткі (якія запакаваныя па адной пары)
- Коўдра з фоліі (як у дарожнай аптэцы)
- Трэкінгавыя скарпэткі памераў 42-45
- Трусы памераў M, L, XL, лепей спартовыя (сінтэтычныя)
- Ліхтарыкі на лоб чорнага колеру на трох батарэйках ААА
- Батарэйкі ААА
- Паўэрбанкі
- Энергетычныя батончыкі
- БЧБ- сцягі
Рэчы хлопцам мы перададзім самі.
3.Навесці парадак каля нашага мемарыялу забітым пасля 2020 беларусам.
Прыносьце, калі ласка, новыя лампадкі, знічы і кветкі.
Спадзяемся на вашу дапамогу, беларусы!
Да сустрэчы!