Фестываль Беларускай Традыцыі SONCAHRAJ
Фонд Тутака распачаў Фестываль Беларускай Традыцыі SONCAHRAJ. У выхадныя адбудзецца фінал фестывалю ў Саколе.
SONCAHRAJ — гэта сустрэча са спеўнай традыцыяй беларусаў, а таксама магчымасць даведацца пра розныя элементы творчай і кулінарнай спадчыны нашых продкаў. У рамках фестывалю адбудзецца серыя майстар-класаў па аўтэнтычным спеве для мясцовых калектываў з Беласточчыны. Сёлета гурты Kresovki, «Каліна» з Залук і сямейны гурт Triada сустрэнуцца з выкладчыкамі тэхнікі народных спеваў.
Фінал пройдзе 9 ліпеня на пляцы ля Народнага дома ў Саколі.
Хто выступіць?
ASTROŪNA
Архаічны беларускі спеўны гурт. Быў заснаваны ў 2019 годзе ў Менску. Ён аб’ядноўвае людзей, захопленых традыцыйнай беларускай музыкай. Гурт выконвае архаічныя беларускія песні ў як а-капэла, так і пад акампанемент традыцыйных беларускіх інструментаў, сярод іншага дуда, ліра, жалейка, дудкі, скрыпка, акарына.
Інстаграм гурту: https://www.instagram.com/astrouna.folk.songs/
Guda — беларускі фолк-гурт, адметнасцю якога з’яўляецца жаночае акапэльнае выкананне пераважна абрадавых спеваў, захаванне аўтэнтычнага гучання. Абрадавыя песні — найбольш архаічны пласт традыцыйнай народнай культуры. Некаторыя песні, якія ўжо не сустракаюцца ў жывым бытаванні, былі ўзноўленыя паводле нотных запісаў. Усе песні выконваюцца акапэльна, за выключэннем танцавальных прыпевак.
Этна-фьюжн гурт (Мінск, Берлін). Спалучэнне жаночага 3-галоснага поліфанічнага спеву, гітары, перкусіі, электронікі.