Лекцыя «Шлях да дэмакратыі» з віцэваяводам падляскім Томашам Мадрасам

Як арганізаваць сістэму самакіравання? Раскажа віцэваявода падляскі Томаш Мадрас.

MOST media сумесна з фундацыяй OKNO NA WSCHÓD працягвае шэраг сустрэч, на якіх разам са спікерамі мы абмяркоўваем, як будаваць дэмакратычнае грамадства. На сустрэчы запрашаем гасцей, чый досвед будзе карысным для тых, хто хацеў бы прычыніцца да стварэння супольнасці на дэмакратычных прынцыпах. 

На трэцяй сустрэчы выступіць віцэваявода падляскі Томаш Мадрас. 

Віцэваявода з’яўляецца доктарам сацыяльных навук, палітолагам і эканамістам. Мае шматгадовы досвед выкладання на факультэце інжынерыі Беластоцкага політэхнічнага ўніверсітэта. У 2016-2019 гадаў быў упаўнаважаным Падляскага ваяводы па развіцці грамадзянскай супольнасці. 

Дзе і калі

Сустрэча адбудзецца ў сераду, 14 верасня ў MediaPortBelarus па адрасе Sienkiewicza 44 у Беластоку. Пачатак а 18 гадзіне. 

Імпрэза бясплатная, будзе рэгістрацыя ўдзельнікаў. На сустрэчы будзе працаваць перакладчык.

Шэраг сустрэч «Шлях да дэмакратыі» арганізуе MOST media сумесна з фундацыяй OKNO NA WSCHÓD.