
Мова Нанова: Дзень Волi — Дзень «Мовы»
Адразу дзве нагоды сустрэцца ў нас з вамі ў бліжэйшы панядзелак. Першая — безумоўна, Дзень Волі, які мы працягнем адзначаць на занятках.
А яшчэ — беластоцкай «Мове Нанова» спаўняецца год! Першы раз мы сустрэліся з вамі напрыканцы сакавіка 2022 года, і так хутка праляцеў гэты няпросты час.
Мы рыхтуем для вас невялікі канцэрт, на якім выступяць добра знаёмыя вам вядучыя і арганізатары «Мовы Нанова», музыканты Кацярына Ваданосава і Ігар Палынскі, а таксама — конкурсы з падарункамі ад нашых цудоўных сяброў, крамы «Адметнасць»! Ну і фуршэт, як без гэтага 🙂