«Мова Нанова»: Парламент

Тэма другога занятку — Парламент.

Вырашылі пагутарыць пра гэта з нагоды гадавіны збіцця дэпутатаў Вярхоўнага Савета Беларусі, якія ў ноч з 11 на 12 красавіка 1995 года галадавалі ў знак нязгоды з рэферэндумам, які «вярнуў» у Беларусь савецкую сімволіку, абвясціў курс на інтэграцыю з Расіяй і надаў рускай мове статус дзяржаўнай у Беларусі.

Гасцямі сустрэчы стануць дэпутат Вярхоўнага Савета Беларусі (1990-1996), непасрэдны ўдзельнік тых падзей Сяргей Навумчык, а таксама дэпутат сейміку Падляскага ваяводства, дырэктар Беларускага ліцэя ў Гайнаўцы Ігар Лукашук.

Хто можа прымаць удзел у занятках?
Кожны, хто хоча лепей ведаць родную мову, гісторыю і культуру.

Вядучыя: Юлія Міхайлава, Наста Казановіч.