Презентацыя новага нумару літаратурнага часопіса «МІНКУЛЬТ»
Літаратурны клуб «Новая Зямля» запрашае на презентацыю новага нумару літаратурнага часопіса «МІНКУЛЬТ» з удзелам галоўнага рэдактара Сяргея Календы.
Вядоўца імпрэзы Алесь Аркуш.
Новы, 6-ы, нумар «МІНКУЛЬТа» прысвечаны тэме падарожжаў, вандровак і рэлакацыі. Часопіс з мінулага года выходзіць у Вільні. Сярод аўтараў: Альгерд Бахарэвіч, Макс Шчур, Адам Глобус, Таццяна Заміроўская, Саша Філіпенка і інш.
На прэзентацыі можна будзе набыць часопіс і атрымаць аўтографы ў некаторых аўтараў.
Уваход вольны.