Выступ гурта LEIBONIK
24 верасня ў 20:00 пройдзе выступ гурта LEIBONIK у кавярні “Lalki” у Беластоку.
Сапраўды арыгінальны і яскравы гурт LEIBONIK быў створаны ў 2014 годзе бардам і інтэлектуалам Сяргеям Башлыкевічам. Тэксты песень гурта прасякнуты вытанчаным гумарам і закранаюць тэмы, блізкія любому беларусу ад аграгарадка да сталіцы ці ў эміграцыі, іранічныя ды сур’ёзныя, на штодзённую і гістарычную тэматыку ўдала хістаюць амплітуду настрою слухачоў ад бесклапотнай весялосці да глыбокай задуменнасці.
Стыль музыкі гурта цяжка акрэсліць адназначна: рок, фолк-рок, рэгі ў розных прапорцыях можна пачуць падчас выступаў і на запісах. У 2021 годзе гурт выдаў сваю першы студыйны альбом “Жакі”, які можна паслухаць на ўсіх вядомых стрымінгах.
Кошт квіткоў:
- 60 злотых у перадпродажы (калі ласка, дашліце электронны ліст на info@tutaka.org ці мэсэнджэр фонда “Tutaka”);
- 70 злотых пры набыцці квітка перад канцэртам. У кошт квіткоў уваходзіць піва, торт, кава (адна порцыя).