Закрыццё сезона «Мовы Нанова»
Закрыццё першага сезона «Мовы Нанова» ў Беластоку пройдзе ў гэты чацвер, 30 чэрвеня.
Спявачка і журналістка Кацярына Ваданосава раскажа пра гісторыю кніжнай справы на тэрыторыі Беларусі, а таксама пакажа, якім менавіта чынам іх пісалі, друкавалі і перапляталі.
А гаспадыня легендарнай крамы «Адметнасць» (https://t.me/admietnasc) Вольга Верамеенка раскажа пра агульныя правілы збору і выкарыстання зёлак. І… пачастуе зёлкавай гарбатай!
Таксама пройдзе невялічкі кніжны кірмаш ад бібліятэкі Kamunikat! (https://t.me/kamunikat) Ён пачнецца ўжо а 18-й, за паўгадзіны да імпрэзы.
Музычным госцем стане лідар легендарных беларускіх гуртоў DZIECIUKI, «Людзі на балоце», «Кальян» Алесь Дзянісаў.
Калі: чацвер, 30 чэрвеня 2022, 18:30
Дзе: Прастора MediaPortBelarus у Беластоку (Sienkiewicza 44)
Уваход, вядома ж, вольны!