Беларускі садок №14 знаходзіцца ў Беластоку, ён працуе з 1995 года. Беларуская мова там — не дадатковая мова выкладання, а базавая. Улады Беластока вырашылі аб’яднаць яго з пачатковай школай №4, дзе беларускую мову вывучае частка дзяцей як дадатковую. Бацькі і дыяспара запусцілі петыцыю ў абарону садка. За шэсць дзён яе падпісалі амаль 700 чалавек.
15 студзеня адбылася сустрэча радных горада Беласток, прадстаўнікоў бацькоўскіх камітэтаў, аб’ядання АББА ды іншых зацікаўленых бакоў. Гэта можа стаць пачаткам дыялогу ў справе аб’яднання беларускага садка і пачатковай школы. 17 студзеня на сесіі Рады горада павінны былі разглядаць праект пастановы пра аб’яднанне, але пасля таго, як з’явілася петыцыя і 700 подпісаў пад ёй супраць гэтага аб’яднання, прэзідэнт Беластока Тадэвуш Трускаляскі выкрасліў гэты праект з парадку дня сесіі.
У хуткім часе больш падрабязна раскажам пра беларускі садок у Беластоку і сітуацыю вакол яго.
