Дыяспара Беластока запрашае беларусаў падпісаць паштоўку для палітзняволеных у Беларусі. Да акцыі можна будзе далучыцца 23 студзеня ў MediaPortBelarus.
— Лісты салідарнасці — самы просты спосаб выказаць нашу салідарнасць. Самі палітвязні кажуць, што атрымаць ліст — гэта радасць, бо гэта значыць, што людзі на волі памятаюць зняволеных, што барацьба працягваецца, што ўсё, што зроблена, — недарэмна.
Дасылаючы паштоўкі з Польшчы, мы наўрад ці атрымаем адказ. Але, па інфармацыі з лістоў некаторых вязняў, яны атрымліваюць лісты з-за мяжы, а значыць, і нашыя добрыя словы трапяць туды, дзе яны зараз так патрэбныя, — распавяла MOST прадстаўнік беларускай дыяспары ў Беластоку Кацярына Дзерман.
КАЛІ: 23 студзеня ў 14.00
ДЗЕ: Sienkiewicza, 44 — простора для беларуских журналистаў у Беластоку MediaPortBelarus
Амаль тысяча палітвязняў
Па стане на 20 студзеня ў Беларусі прызнаныя палітычнымі вязнямі 990 чалавек. Блогеры, бізнесмены, актывісты штабоў кандыдатаў у прэзідэнты, удзельнікі акцыяў пратэсту знаходзяцца ў месцах несвабоды, удалечыні ад сваіх родных і блізкіх з-за таго, што не пабаяліся скарыстацца сваімі правамі — правам на ўдзел у мірных сходах, на выказванне свайго меркавання і на ўдзел у палітычным жыцці краіны. Большая частка гэтых людзей трапіла пад палітычна матываваны крымінальны пераслед у сувязі падзеямі, якія разгарнуліся падчас і пасля кампаніі па выбарах прэзідэнта Беларусі ў 2020 годзе.
