У суботу, 29 студзеня, ля консульства Беларусі ў Беластоку правялі антываенную акцыю. Нагодай для яе стала сцягванне расійскіх войскаў на тэрыторыю Беларусі, што, лічаць арганізатары, ставіць пад пагрозу бяспеку Украіны, Польшчы, краін Балтыі і беларускі суверэнітэт.
— Мы, беларусы, якія знаходзяцца за мяжой, пратэстуем супраць агрэсіі Крамля ў бок Украіны. Сёння першая наша акцыя, каб паказаць: на жаль, толькі беларусы, якія знаходзяцца за мяжой, могуць выйсці і паказаць супраціў вайне, агрэсіі Крамля, які выкарыстоўвае Лукашэнку ў сваіх мэтах, каб яшчэ раз увайсці ва Украіну. Бо ў Беларусі людзі не могуць выйсці і адкрыта пратэставаць супраць ваеннай агрэсіі Расіі, — казалі на акцыі выступоўцы.
«Казахстан паказаў, колькі было праліта крыві»
Антон прыехаў у Беласток з Украіны тры месяцы таму. Ён удзельнічаў у палітычных падзеях на сваёй радзіме, Майдане, сачыў за пратэстамі ў Беларусі і ў Казахстане. У гэты раз ён вырашыў далучыцца да акцыі ля беларускага консульства:
— У нашай краіне ідзе вайна. Любыя правакацыі і экспансіўныя настроі нашага «брацкага» суседа скончацца вельмі вялікай крывёю для яго ж, і для яго гэта стане пачаткам канца.
Ці нападзе Расія на Украіну? Антон не можа даць дакладны адказ, але лічыць, што гэта не выключана:
— Чалавек, які там стаіць ва ўладзе, — ён вельмі нездаровы, вельмі неадэкватны, ад яго можна чакаць чаго заўгодна. Казахстан паказаў, колькі было праліта крыві, як усё было зроблена хутка і цынічна.
«Звар’яцелыя старыя — як дзеці, яны гуляюцца, толькі стаўкі вышэйшыя»
Перад пачаткам акцыі па ходніку насупраць консульства прайшоў хлопец, за сабой цягнуў падобны да цацачных чарвякоў прадмет, які выдаваў металічныя гукі. «Гусеніцы лязгаюць» — было напісана на гэтым прадмеце. Гэта быў перфоманс мастака, анархіста Уладзіслава Бохана, які жыве ў Польшчы ад жніўня.
Посмотреть эту публикацию в Instagram
Уладзіслаў расказаў MOST, што ў ліпені 2021 года яго затрымлівалі ў Беларусі. У яго была паламаная нага, і менавіта таму, мяркуе хлопец, яго адпусцілі да суда. Пасля гэтага ён з’ехаў, бо не бачыў адраджэння вулічнага пратэсту, таму рызыка заставацца ў Беларусі была неапраўданая. Ён прыехаў менавіта ў Беласток, таму што тут жывуць сваякі і гэты горад блізкі да дому.
— У мяне думка нарадзілася гэта абыграць даўно, бо выраз гэты — «лязганне гусеніцамі» — ужо набыў легендарны налёт, — расказаў MOST Уладзіслаў. — Я лічу, што па тэматыцы зараз падыходзіць. Хацеў увасобіць у рэальнасць хоць штосьці створанага гэтым розумам, які звязваецца з космасам, перахоплівае перамовы… Гусеніцы стылізаваныя пад гульню Worms, бо звар’яцелыя старыя — яны як дзеці, яны таксама гуляюцца, але, на жаль, стаўкі нашмат вышэйшыя.
Чытайце таксама
Российские войска в Беларуси, напряженная ситуация у границ с Украиной, мигранты — эти и другие вопросы волнуют беларусов в Белостоке....
Чытаць далейDetails
Когда Юрий уезжал из Беларуси, думал, что оставляет на родине многолетнее хобби — занятия исторической реконструкцией: бои, фестивали, костюмы и...
Чытаць далейDetails
Сроки рассмотрения дел, связанных с легализацией пребывания иностранцев в Польше, могут заморозить до 4 марта 2027 года. Это следует из...
Чытаць далейDetails
