Зузанна (Zuzanna) для дзяўчынак і Аляксандр (Aleksander) для хлопчыкаў — сталі вядомыя самыя папулярныя імёны для дзяцей на Падляшшы ў 2021 годзе. Аб гэтым паведамляе Radio Białystok.
Дарэчы, Зузанна — гэта самае папулярнае імя для дзяўчынак ва ўсёй Польшчы. Больш папулярнае сярод нованароджаных хлопцаў ва ўсёй краіне імя — Антоні.
А як у Беларусі
Мы вырашылі паглядзець, як у 2021 годзе называлі дзяцей бацькі ў Беларусі. У Гродне самым распаўсюджаным імем сярод нованароджаных дзяўчат стала Сафія, сярод хлопчыкаў — Максім.
У Мінску Максім — таксама самае папулярнае сярод хлапечых імёнаў, а найбольш распаўсюджанае жаночае імя — Ганна.
Супрацоўнікі беларускіх ЗАГСаў адзначаюць, што ў краіне ёсць тэндэнцыя называць дзяцей старажытнаславянскімі імёнамі.
