Падляскія пажарныя ад самай раніцы 17 лютага ліквідуюць наступствы моцнага ветру, піша Kurier Poranny. Паглядзіце, як непагадзь адбіваецца на жыхарах ваяводства.
Ад раніцы 17 лютага ў Падляскім ваяводстве моцны парывісты вецер. Гэта наступствы шторму Дадлі, які дайшоў сёння да Польшчы.
Учора, 16 лютага, Урадавы цэнтр бяспекі разаслаў жыхарам Польшчы паведамленні аб магчымай непагадзі.
— Мы былі гатовыя да таго, што ноччу можа быць неспакойна. У нас была інфармацыя аб моцным ветры. Але толькі раніцай, каля пяці гадзін, нам паступілі дзясяткі паведамленняў пра яго наступствы. Гэта зламаныя дахі, дрэвы на дарогах. Што да рэгіёнаў, то апошнія паведамленні былі з ваколіц Ломжы і Саколкі, — расказаў дзяжурны ваяводскай пажарнай камендатуры.
Магчыма, моцны вецер з ападкамі пратрымаецца да суботы. У выхадныя можна чакаць снег.
