Польская памежная служба расказала, што за мінулыя суткі на тэрыторыю Польшчы спрабавалі нелегальна трапіць некалькі дзясяткаў мігрантаў.
20 лютага на тэрыторыю Польшчы з Беларусі спрабавалі трапіць 36 нелегальных мігрантаў. Гэта былі грамадзяне Егіпту, Сірыі, Сенегалу і Іраку.
На тэрыторыі заставы Чарэмха адбылася спроба сілавога перасячэння мяжы. Групу з 17 чалавек затрымалі.
За два месяцы 2022 года беларуска-польскую мяжу спрабавалі нелегальна перайсці каля 1,5 тысячы разоў.
Праз вострую фазу мігранцкага крызісу польскія ўлады вырашала будаваць на мяжы з Беларуссю 180-кіламетровую сцяну. Як перадае Wyborcza, цяпер сцяну будуць будаваць нават па начах і ў нядзелю. Будаўніцтва плануюць скончыць летам 2022 года.
