7 сакавіка ў Сувалках адбылася пазачарговая сесія ў гарадской ратушы. Дэпутаты асудзілі расійскую агрэсію і выказалі салідарнасць з украінскім народам. Акрамя гэтага, дэпутаты Сувалак адмянілі пастанову аб супрацоўніцтве з горадам Чарняхоўскам з Калінінградскай вобласці Расіі.
— Горад Сувалкі не можа ўявіць у цяперашніх рэаліях супрацоўніцтва з горадам-партнёрам Чарняхоўскам Калінінградскай вобласці Расійскай Федэрацыі. Гэта супрацоўніцтва пачалося ў 2009 годзе, — гаворыцца ў пастанове дэпутатаў.
З-за расійскай агрэсіі ва Украіне і дапамозе ўраду Лукашэнкі ў гэтай агрэсіі Сувалкі таксама разрываюць усе адносіны з гарадамі Беларусі:
— Працяг адносін з суб’ектамі Расійскай Федэрацыі і Беларусі азначаў бы прызнанне злачынных дзеянняў гэтых краін.
Дэпутаты адзначылі, што ў Сувалках жыве значная ўкраінская суполка, якую прадстаўляе Саюз украінцаў.
