24 лютага Уладзімір Пуцін пачаў вайну супраць Украіны. На крывавыя падзеі і расійскую агрэсію адрэагавалі ўкраінскія музыкі. MOST расказвае і паказвае, як музыканты дапамагаюць сваёй краіне і што кажуць пра вайну.
«Океан Ельзи»
У першыя дні вайны лідар гурта «Океан Ельзи» Святаслаў Вакарчук размясціў у сваім інстаграме ўкраінскі сцяг і папрасіў усіх быць спакойнымі. Вакарчук выступае амаль кожны дзень у адзіным эфіры ўкраінскіх каналаў, якія аб’ядналіся і разам асвятляюць вайну.
Музыка жорстка крытыкуе расійскія ўлады і развязаную Уладзімірам Пуціным вайну ва Украіне.
Посмотреть эту публикацию в Instagram
6 сакавіка Вакарчук далучыўся да шэрагаў тэрытарыяльнай абароны Львова.
Спявак адкрыта звяртаўся да маці расійскіх вайскоўцаў, якіх узялі ў палон, каб тыя забіралі сваіх сыноў з Украіны.
Alyona Alyona
Хіп-хоп-артыстка з Украіны Alyona Alyona з пачаткам вайны стала валанцёрыць. Яна дапамагае ў аптэцы сартаваць лекі, а ў сваіх сацыяльных сетках змагаецца з расійскай прапагандай, актыўна дае інтэрв’ю замежнай прэсе.
Іван Дорн
Іван Дорн, які доўгі час пазбягаў даваць каментарыі ў СМІ пра палітычную сітуацыю ва Украіне, на гэты раз не вытрымаў. Музыка выпусціў тры звароты наконт расійскага ўварвання ў яго родную краіну, у тым ліку і на англійскай мове. І кожны дзень інфармуе сваіх падпісантаў у інстаграме пра падзеі, што адбываюцца ва Украіне.
— Расіяне, я прашу вас мяне пачуць! Тых, хто верыць у тое, што ўсё мірна, і вашы войскі не бамбяць нашы дамы, і што ніякай вайны няма. Прапаную вам паглядзець на тое, што адбываецца, і з іншага боку! Крытычна думаць, ацэньваючы інфармацыю пад рознымі вугламі! Для таго, каб растлумачыць сабе праўдзівасць аднаго боку, трэба пераканацца ў ілжывасці іншага боку. Я буду паведамляць вам пра пэўныя і дакладныя навіны, аб якіх у вашых СМІ не паведамляецца. Паспрабуйце прыгледзецца.
Таксама Дорн падзякаваў Грузіі, у якой адбыўся вялікі антываенны мітынг напачатку сакавіка.
Святлана Лабада
Спявачка Святлана Лабада ў сваім інстаграме апублікавала відэазапіс на пяты дзень вайны. У ім заклікала спыніць баявыя дзеянні, перайсці да перамоў.
Посмотреть эту публикацию в Instagram
«Вопли Видоплясова»
Гурт «Вопли Видоплясова» ў самым пачатку вайны напрыканцы лютага выпусціў у сваім інстаграме зварот.
«Кожны з нас — частка адзінай, магутнай дзяржавы. Зараз мы ствараем нашу гісторыю і нашу будучыню. Наша сіла ў еднасці. Зараз, як ніколі, разам падтрымайма нашу армію. Мы — вялікі народ, перамога будзе за намі. Слава Україні!»
Лідар гурта Алег Скрыпка амаль кожны дзень звяртаецца да ўкраінцаў і замежнікаў.
Вера Брэжнева
Украінка Вера Брэжнева на другі дзень вайны напісала эмацыянальны зварот у сацыяльных сетках. Яна заклікала неадкладна спыніць вайну. Спявачка выклала фотаздымкі кіеўскага хмарачоса, у які трапіла ракета, падпісаўшы: «Цяпер, акрамя вайны ва Украіне, ідзе вайна ў сеціве. У кожнага свая праўда. Яна грунтуецца на тым, хто што бачыць і хто ўва што верыць. Але ёсць факты. І яны такія. Гэта Кіеў 26.02.2022. Жылы дом у жылым раёне. Без каментарыяў».
Дарэчы, брат мужа Брэжневай Валер Меладзэ стаў адным з першых расійскіх селебрыці, хто асудзіў вайну ва Украіне і заклікаў да мірнага вырашэння вайсковага канфлікту.
Посмотреть эту публикацию в Instagram
Monatik
Украінскі спявак Дзмітры Манацік спачатку не мог паверыць, што ў яго краіне пачалася вайна, а расійскія войскі атакавалі ўкраінцаў: «Навошта? За што? Што вы робіце?» — пытаўся музыка. Манацік папрасіў грамадзян Расіі і сусветную супольнасць не маўчаць і дапамагчы спыніць вайну.
Посмотреть эту публикацию в Instagram
ONUKA
Электра-фолк-гурт Наталлі Жыжчанка і Яўгена Філатава. Салістка Наталля Жыжчанка на другі дзень вайны, 25 лютага, апублікавала ў сацыяльных сетках заклік закрыць неба над Украінай.
Жыжчанка адкрыта выступае супраць расійскага ўварвання ва Украіну і захапляецца ўкраінскім народам:
Свет ужо ніколі не будзе такім, якім быў. І мы таксама. І жыццё ў цэлым. Мы выстаім і не аддамо нашу зямлю, гэта зразумела нават оркам.
— Якія ж украінцы цудоўныя! Такога яднання я не памятаю з дзяцінства. Мы трымаемся, застаемся дома і робім усё, што можна: патрулюем тэрыторыю, збіраем лекі, рэчы і распаўсюджваем інфармацыю. Свет ужо ніколі не будзе такім, якім быў. І мы таксама. І жыццё ў цэлым. Мы выстаім і не аддамо нашу зямлю, гэта зразумела нават оркам.
Напачатку сакавіка, калі расійскія войскі бамбілі ўкраінскія гарады, у тым ліку і Чарнігаў, спявачка звярнулася да расіян. У звароце яна запыталася, чаму бамбяць жылыя кварталы гарадоў і як такім чынам расійскія ваенныя шукаюць так званых нацыстаў.
Верка Сярдзючка (Андрэй Данілка)
Андрэй Данілка ўпершыню адрэагаваў на ваенныя дзеянні расійскіх войск ва Украіне пастом у інстаграме.
Посмотреть эту публикацию в Instagram
Андрэй Данілка стаў частым госцем у эфірах украінскага тэлебачання. У іх артыст заклікае спыніць расійскую агрэсію, а расійскіх зорак эстрады крытыкуе.
Ды ты ўжо ў падручніках, Пуцін! Каб да канца стаць такім, як Гітлер, табе трэба зайсці ў бункер і застраліцца!
— Я бы хацеў расійскім людзям, расійскім артыстам, якія, канешне, баяцца — яны мо так нават і не думаюць, але баяцца, — я хацеў, каб яны прачыталі дзіцячы верш Карнея Чукоўскага «Тараканішча». Каго вы баіцеся? Пуціна? Гэта жа ўсё па прыкладзе фашысцкай Германіі! Калі ён хоча застацца ў гісторыі, калі ён так парадзіруе ці капіруе Гітлера, калі ён хоча быць у падручніках… Ды ты ўжо ў падручніках, Пуцін! Каб да канца стаць такім, як Гітлер, табе трэба зайсці ў бункер і застрэліцца!
Бумбокс
Лідар гурта Андрэй Хлыўнюк, як і пераважная большасць украінскіх артыстаў, адрэагаваў на падзеі. Ён успомніў, што першы канцэрт гурта адбыўся ў Данецку, а самы вясёлы канцэрт быў у Крыму. Таксама музыка пералічыў дзясятак украінскіх гарадоў, дзе ў яго праходзілі канцэрты, і падзяліўся невялічкім успамінам пра іх.
— Гэта наша Украіна. Якую Расія абстрэльвае ракетамі. Фіксуйце ўсё, што бачыце. Фіксуйце, каб нічога не забыцца. Ёсць яшчэ два месцы, але не ва Украіне… Гаага і Нюрнберг. Добра было б правесці там два паказальныя працэсы.
«Один в каное»
Індзі-калектыў заклікае ўкраінцаў яднацца, а расійскія войскі называе акупацыйнымі.
«Змагаемся — пераможам! Нам Бог дапамагае! За нас праўда, за нас слава і воля святая!».
Таксама гурт заклікаў сваіх падпісантаў з Расіі і Беларусі выходзіць на плошчы, а маўчанне беларусаў і расіян назваў злачынствам.
«Немного Нервно»
Салістка гурта Кацярына Гапенка працытавала ў сваіх сацыяльных сетках Джымі Хендрыкса: «Калі ўлада любові перавысіць любоў да ўлады, настане мір на зямлі».
Гапенка таксама апублікавала гісторыю таго, як і дзе сустрэла вайну, а таксама гісторыю пра маці ў Запарожскай вобласці Украіны:
— Я не разумею — якой злой сіле можа прыйсці ў галаву бамбіць горад, у якім жыве гэтая святая жанчына. Не нацыстка і не наркаманка. Мая мама. Чалавек, які выгадаваў мяне — аўтара антываенных альбомаў і песні «Тут няма нічога, акрамя кахання».
Ціна Караль
Спявачка сустрэла вайну ў жаночым манастыры. Ціна Караль распавяла ў сваіх сацыяльных сетках, што хоча дапамагчы сваёй радзіме, таму стварае Міжнародны цэнтр інфармацыйнага супраціву. Ён базуецца ў Варшаве.
Посмотреть эту публикацию в Instagram
Джамала
У першы дзень вайны Джамала запісала зварот разам са сваімі дзецьмі, у якім заклікала расійскія войскі спыніць вайсковыя дзеянні, а ўкраінцам пажадала заставацца моцнымі.
Спявачка таксама прыгадала песню «1944», якую спявала на Еўрабачанні. Джамала звяртаецца да сваіх падпісантаў з Расіі і просіць паўплываць на тое, каб вайна скончылася як мага хутчэй.
Посмотреть эту публикацию в Instagram
