Паліцэйскія ў Саколцы ў Падляскім ваяводстве затрымалі ўкраінца, які перавозіў нелегальных мігрантаў з беларуска-польскай мяжы, паведамляе Radio Białystok.
Паліцэйскі патруль спыніў у Сакулцы машыну для праверкі дакументаў. У аўтамабілі знаходзіліся нелегальныя мігранты — чатыры іракца. За рулём — грамадзянін Украіны. Усіх затрымалі і даставілі ў пастарунак.
З пачатку міграцыйнага крызісу — ад лета 2021 года — у Польшчы былі затрыманыя 384 чалавекі, якія дапамагалі мігрантам у незаконным перасячэнні мяжы. 33 чалавекі затрымалі толькі ў сакавіку 2022 года. «Кур’еры» дапамаглі 1,5 тысячы нелегалаў трапіць у Польшчу.
