Шматдзетную маці з Пружан асудзілі на тры гады «дамашняй хіміі» за абразу Аляксандра Лукашэнкі, паведамляе брэсцкае аддзяленне праваабарончага цэнтра «Вясна».
У пружанскім судзе 28-29 сакавіка разглядалі справу Вікторыі Онахавай-Жураўлёвай аб паклёпе на Лукашэнку. Жанчыну абвінавачвалі ў тым, што яна пакінула каментарый у тэлеграм-чаце «Пружаны», які зганьбіў Лукашэнку. Згаданы тэлеграм-чат, між тым, не існуе больш за год.
За допіс у чаце суддзя Бальшакова пакарала жанчыну трыма гадамі «дамашняй хіміі».
Вікторыя Онахава-Жураўлёва гадуе 13 дзяцей, дзевяць з якіх — прыёмныя.
