Горад Сувалкі ў Падляскім ваяводстве прыняў тысячу ўкраінскіх бежанцаў. У падзяку ўкраінцы правялі ў цэнтры горада суботнік. Аб гэтым расказала мясцовая ўлада Сувалак.
У суботу, 26 сакавіка, украінскія бежанцы правялі суботнік у Сувалках. З ініцыятывай выступілі дзве групы ўкраінскіх бежанцаў, якія захацелі такім чынам падзякаваць жыхарам Сувалак за прытулак і дапамогу.
Украінцы прыбралі бульвар і парк у цэнтры горада.
— Ініцыятыва надышла ад украінцаў. Ва Украіне гэта называецца суботнікам — гэта штогадовая вясновая традыцыя. Падчас суботнікаў украінцы прыбіраюць паркі і скверы, — расказаў кіраўнік Упраўлення службы прэзідэнта горада Каміль Шнэль.
