Старшыня Брэсцкага гарвыканкама прапаноўвае жыхарам горада прыдумаць слоган, які змесцяць на банер на ўездзе ў Брэст. Аб гэтым Аляксандр Рагачук паведаміў у сваім тэлеграм-канале.
Ад 2019 года на ўездзе ў Брэст вісеў банер «1000-гадовы Брэст вітае вас!», які стварылі ў гонар тысячагоддзя горада. Старшыня Брэсцкага гарвыканкама Аляксандр Рагачук лічыць, што ў 2022 годзе слоган ужо не актуальны.
Рагачук прапанаваў жыхарам горада прыдумаць новы слоган. Ідэі можна дасылаць на электронную пошту — [email protected].
Заяўкі можна пакідаць да 10 красавіка ўключна. Пасля адбяруць пяць лепшых ідэй, сярод якіх вызначаць пераможцу. Новы банер старшыня абяцае размясціць на ўездзе ў горад 9 мая.
