Андрэя Сцепаненку асудзілі на год і шэсць месяцаў калоніі агульнага рэжыму за каментарый у чаце, паведамляе Hrodna.life.
14 красавіка адбылося выніковае судовае пасяджэнне па справе інжынера-праграміста Гродзенскага ўпраўлення Міністэрства фінансаў.
Мужчыне прысудзілі год і шэсць месяцаў пазбаўлення волі за каментарый у тэлеграм-чаце на дзесяць чалавек. Сцепаненку абвінавачвалі ў абразе прэзідэнта.
15 красавіка стала вядома, што бацьку Андрэя затрымалі ў якасці падазраванага па справе аб абразе прадстаўніка ўлады. Аб гэтым паведамляе Telegram-канал Право имеют. Мужчыну затрымалі раніцай, ён не трапіў на вынясенне прысуду сыну.
