Дзяржаўны сакратар Рады Бяспекі Беларусі, генерал-лейтэнант Аляксандр Вальфовіч абвінаваціў Польшчу і Літву ў магчымай падрыхтоўцы агрэсіі супраць Беларусі і прыгразіў адказаць разбурэннямі і гібеллю людзей. Аб гэтым паведамляе «Радыё Свабода» са спасылкай на дзяржаўнае беларускае тэлебачанне.
Вальфовіч ў эфіры дзяржТБ заявіў, што на заходніх межах Беларусі адбываецца значная мілітарызацыя. Па меркаванні дзяржсакратара Рады Бяспекі, сумежныя краіны пад відам барацьбы з нелегальнымі мігрантамі нарошчваюць абараназдольнасць сваіх краін.
Таксама Вальфовіч адзначыў, што на тэрыторыю Польшчы завозяць амерыканскую зброю
— Я думаю, усё тое, што адбываецца сёння ва Украіне, напэўна, просты народ, польскі народ, літоўскі народ, спадзяюся, усё ж такі бачыць: якія разбурэнні, якая трагедыя, як гіне просты народ і людзі гінуць на тэрыторыі Украіны. Думаю, што яны гэтага не захочуць. Таму што не атрымаецца так, што яны развяжуць агрэсію ў адносінах Беларусі, і ваенныя дзеянні будуць праходзіць толькі ў Беларусі. Не. На іх тэрыторыі таксама будзе: разбурэнні, гібель, выбухі.
