Міністр аховы здароўя Польшчы Адам Нядзелькі падчас прэс-канферэнцыі заявіў, што ў Польшчы скасуюць стан эпідэміі. Ён пяройдзе ў надзвычайнае эпідэміялагічнае становішча. MOST расказвае падрабязнасці.
Ад 16 мая ў Польшчы зменіцца эпідэмічнае становішча: з эпідэміі на надзвычайнае эпідэміялагічнае становішча. Міністр аховы здароўя падкрэслівае, што гэта не азначае, што пандэмія скончылася назаўсёды.
— Павольна эпідэмія пераходзіць у кірунак эндэміі, да эндэмічнай сітуацыі. Гэта азначае, што вірус знаходзіцца ў асяроддзі, але нам дапамагаюць прышчэпкі, у значнай колькасці людзей захворванне праходзіць бессімптомна. Эндэмія ўжо не з’яўляецца пагрозай для сацыяльна-эканамічнага жыцця, — адзначыў Нядзельскі.
Польшча здымае абмежаванні
Стан эпідэміі быў уведзены ў Польшчы яшчэ 20 сакавіка 2020 года. Абмежаванні пачалі здымаць толькі ў 2022 годзе.
28 сакавіка 2022 года адмянілі абавязак насіць маску ў закрытых памяшканнях. У Польшчы ўжо няма спецыялізаваных аддзяленняў і бальніц пад хворых на каронавірусную інфекцыю.
