Праграмны кантакт на 1 мільярд 200 мільёнаў еўра падпісалі ў Падляскім ваяводстве міністр фінансаў і рэгіянальнай палітыкі Гжэгаж Пуда і маршалак Артур Касіцкі. Грошы накіруюць на развіццё рэгіёна.
Міністр фінансаў і рэгіянальнай палітыкі Гжэгаж Пуда адзначыў, што Падляскае ваяводства з’яўляецца добрым прыкладам таго, як і куды інвеставаць еўрапейскія сродкі.
Падляскае ваяводства стала сёмым ваяводствам у Польшчы, якое заключыла праграмныя кантракты на развіццё рэгіёна.
Куды пойдуць грошы
Падляскаму ваяводству дадуць сродкі з двух еўрапейскіх фондаў — Еўрапейскага фонда рэгіянальнага развіцця і Еўрапейскага сацыяльнага фонда. Грошы будуць накіраваныя на развіццё прадпрымальніцтва, інавацый, ахову навакольнага асяроддзя, энергетыку, адукацыю.
У рамках праграмнага кантракта ўжо замацавана фінансаванне на шэраг стратэгічных праектаў: мадэрнізацыю ваяводскіх дарог, развіццё аэрапортаў у Беластоку і Сувалках, курортных мястэчак, развіццё мясцовага тэхнапарка.