Міліцэйскія медалі, рытуал ад шаптухі, вялікі партрэт Лукашэнкі, банкноты да дэнамінацыі. MOST расказвае, што дзіўнага беларускага можна купіць на польскім OLX.
Кілішак
Прадаецца кілішак для гарэлкі (дыяметр 7 см). Адзначаецца, што яго трэба забіраць самастойна, каб пры перасылкі не пабіўся.
Партрэт Лукашэнкі
Партрэт Аляксандра Лукашэнкі можна купіць з рамкай ці без. Сцвярджаецца, што партрэт арыгінальны — але што гэта значыць, не тлумачыцца.
Беларускі рытуал ад шаптухі
Жанчына прадае магічныя беларускія рытуалы. Яна запэўнівае, што ўсе жанчыны ў яе сям’і былі шаптухамі і магія перадалася ёй.
— Беларуская магія моцная, агрэсіўная і хуткая, — піша жанчына ў аб’яве.
Жанчына прапануе дапамогу ў сітуацыях, калі чалавеку складана. Можа закахаць чалавека і прапануе іншыя практыкі.
Дзве капейкі
Актуальная аб’ява для Беластока: тут прадаюць манету наміналам у дзве капейкі. Беларуская манета ўзору 2009 года прадаецца за 28 польскіх грошаў.
І яшчэ крыху пра беларускія грошы
Вельмі папулярныя аб’явы на OLX — продаж беларускіх купюр розных узораў і наміналаў. Можна купіць шмат купюр узору 2000 года за 20 злотых. А 70 рублёў (дзвюма купюрамі ўзору 2000 года) прапануюць купіць за 50 злотых. Пяць рублёў, якія цяпер «ходзяць» у Беларусі, можна ўзяць за 15 злотых (за дастаўку трэба даплаціць яшчэ 6 злотых).
Медалі беларускай міліцыі
На продаж на OLX выставілі набор медалёў беларускай міліцыі. Сярод іх ёсць «60 год Службе Аховы», «За адзнаку». Аўтар аб’явы сцвярджае, што «медаль «За бездакорную службу» ўручаў персанальна дыктатар» (маецца на ўвазе Лукашэнка).
Трактар «Беларус»
Самая магутная і дарагая прапанова — трактар «Беларус» 1978 года. Прадавец гатовы аддаць трактар па запчастках альбо цалкам.
