Магілы жаўнераў Арміі Краёвай у вёсцы Мікулішкі ў Гродзенскай вобласці зраўнялі з зямлёй. Пра гэта вечарам 4 ліпеня на сваёй старонцы ў Facebook паведаміў прадстаўнік Саюза палякаў у Беларусі Марэк Занеўскі.
— Разбураныя крыжы і гара пяску. Так сёння выглядае магіла жаўнераў Арміі Краёвай у вёсцы Мікулішкі Ашмянскага раёна. Проста зраўнялі з зямлёй. На жаль, акты вандалізму на польскіх мемарыяльных месцах у Беларусі адбываюцца ўсё часцей, — напісаў на сваёй старонцы ў Марэк Занеўскі.
Дэпутат Сейма Польшчы Роберт Тышкевіч таксама пракаментаваў у Facebook сітуацыю: «Варварскі акт дзяржаўнага вандалізму супраць магіл жаўнераў Арміі Краёвай у Беларусі. Гэты агідны ўчынак рэжыму Лукашэнкі павінен сустрэць рашучую рэакцыю польскіх уладаў».
У канцы чэрвеня МЗС Польшчы выказала занепакоенасць з нагоды апаганьвання магіл польскіх жаўнераў у Беларусі. «Апаганьванне ў асноўным датычацца Гродзенскай вобласці, дзе знаходзіцца каля 550 месцаў пахавання польскіх салдат, удзельнікаў народных паўстанняў, абаронцаў Гродна. Нядаўна невядомыя знішчылі польскія надмагіллі і помнікі ў Багданах, Бабровічах, Дындылішках, Іўі, Ашмянах, Ёдкавічах», — паведамілі ў МЗС Польшчы.
