Уцекачам з Украіны ў Цэнтры спорту і адпачынку ў Сувалках, дзе яны часова размешчаныя, патрэбная дапамога. Пра гэта расказаў дырэктар цэнтра Вальдэмар Барысевіч у эфіры Radio Białystok.
Вальдэмар Барысевіч заклікаў людзей дапамагчы бежанцам з Украіны сродкамі гігіены, цацкамі і цукеркамі для дзяцей. Барысевіч адзначыў, што патрэбныя прадукты з доўгім тэрмінам захоўвання. Маюць патрэбу ў ежы, адзенні і абутку.
— Мы звяртаемся па дапамогу. Просім памятаць, што гэтыя ўцекачы па-ранейшаму знаходзяцца ў нас.
Агулам у цэнтры размешчаныя 63 чалавекі.
Дапамогу для бежанцаў можна прынесці ў залу на вуліцы Wojska Polskiego, 2 або ў хостел Wigry.
