Беларуса, які збіў групу прыбіральшчыкаў ля прыпынку ў Варшаве, арыштавалі на два месяцы. Аб гэтым паведамляе варшаўская паліцыя.
Грамадзяніна Беларусі арыштавалі на два месяцы за ДТЗ, у выніку якога загінуў 57-гадовы мужчына. У адпаведнасці з польскім заканадаўствам 19-гадоваму беларусу пагражае пазбаўленне волі ад 6 месяцаў да 8 гадоў.
Нагадаем, здарэнне адбылося ўвечары 28 ліпеня. Мужчына збіў на аўтамабілі групу прыбіральшчыкаў ля аўтобуснага прыпынку. Адзін з мужчын, які знаходзіўся ля прыпынку, памёр на месцы, а пасажырку беларуса шпіталізавалі.
19-гадовага беларуса, які кіраваў аўто, затрымалі ў той жа дзень. Алкатэстар паказаў, што мужчына кіраваў аўто ў стане алкагольнага ап’янення.
