У MediaPortBelarus у Беластоку адкрываецца выстава «Кожны дзень. Супраціў у беларускіх рэгіёнах». На ёй пакажуць фотаздымкі беларускіх рэгіянальных журналістаў з пратэстаў 2020 года ў Беларусі.
Выстава адкрываецца 9 жніўня ў 18:00. Фотаздымкі з Гродна, Брэста, Маладзечна, Ганцавічаў, Чачэрска, Бабруйска, Глыбокага, Шаркаўшчыны можна будзе пабачыць у MediaPortBelarus (Sienkiewicza 44) у Беластоку. Уваход вольны.
Пра што будзе выстава
Кожны дзень беларускага супраціву ад 2020 года адначасова падобны і не падобны на іншыя, але іх яднае, што людзі знаходзяць спосабы паказаць пратэст у самых небяспечных умовах. На выставе прадэманструюць самыя яркія фотаздымкі з розных гарадоў Беларусі, якія знялі мясцовыя фатографы, што цяпер вымушана знаходзяцца за мяжой.
Арганізатары скіруюць увагу на тое, што пратэсты былі не толькі ў Мінску, але і нават у самых маленькіх населеных пунктах.
— Мы перададзім, якой цаной беларусы расплачваюцца за свой супраціў. Акцыя стане першай фотавыставай пра пратэсты ў Беларусі, якая яднае рэгіёны, — падкрэсліваюць арганізтары.
