Былі палітзняволены Ігар Банцар арыштаваны на 15 сутак, і на ім яшчэ 18 адміністратыўных спраў. Пра гэта расказаў музыкант Фёдар Жывалеўскі ў сваім Facebook.
Былы палітзняволены Ігар Банцар правядзе 15 сутак за кратамі на Акрэсціна. Аб гэтым паведаміў музыкант Фёдар Жывалеўскі, які сядзеў разам з ім. Па словах Жывалеўскага, Банцар амаль адразу заснуў на стале, калі яму далі суткі, а астатнія нерваваліся з-за будучага суда.
Жывалеўскі адзначае, што Банцара прывезлі з Гродна ў Мінск. Ён не ведае, ці адпусцяць Банцара пасля 15 сутак, бо ў яго яшчэ 18 адміністратыўных спраў.
— Я паўночы не разумеў, што ў вуглу сядзіць у капюшоне Банцар. На наступны дзень рассадзілі па розных камерах, бо ён «палітычны». Раніцай бачыў, як з іх здзекваюцца. Бегаюць рукамі назад, іх ганяюць па калідоры — і матам-пераматам. Мне было страшна ўвесь час, — расказаў Жывалеўскі.
