У Гродне ўсё-ткі адкрыюць Генеральнае консульства Расіі. Аб гэтым стала вядома пасля публікацыі рашэння Савета Міністраў Беларусі 14 лістапада.
У пастанове Савета Міністраў гаворыцца аб заключэнні пагаднення аб тым, каб адкрыць расійскае консульства ў Гродне. Згодна з тэкстам пастановы, прапанову аб стварэнні ў Гродне консульства ўнесла беларускае Міністэрства замежных спраў.
Пастанова ўступіла ў сілу са дня яе прыняцця — 10 лістапада, яна падпісаная прэм’ерам Раманам Галоўчанкам. Больш ніякіх падрабязнасцяў у тэксце пастановы няма: ні даты адкрыцця, ні месцазнаходжання ўстановы.
Першыя навіны пра з’яўлення расійскага консульства ў Гродне сталі вядомыя напрыканцы мая 2022 года. Пасол Расіі ў Беларусі Барыс Грызлоў заявіў падчас сустрэчы з кіраўніцтвам Гродзенскай вобласці, што ў хуткім часе ў Гродне з’явіцца расійскае дыпламатычнае прадстаўніцтва.
3 верасня 2022 года расійскі прэм’ер-міністр Міхаіл Мішусцін даручыў заключыць з Беларуссю пагадненне аб адкрыцці Генконсульства ў Гродне. Прапанова расійскаму ўраду была ўнесеная МЗС Расіі, а дагэтуль «старанна прапрацаваная з беларускім бокам».
Нагадаем, расійскія амбасады знаходзяцца ў Мінску і Брэсце.
