Новы хаб у Беластоку — гэта супольная пляцоўка для прабеларускіх арганізацый, ініцыятыў ды актывістаў. Місіяй хаба з’яўляюцца развіццё грамадска-палітычнай актыўнасці, захаванне самаідэнтычнасці беларусаў, якія вымушаныя былі пакінуць Беларусь або часова пражываюць у Беластоку.
Асноўнымі накірункамі дзейнасці пляцоўкі стануць адукацыйныя і культурніцкія мерапрыемствы. Хаб адкрыецца 3-га снежня. Памяшканне хаба знаходзіцца ў цэнтры горада, непадалёк ад аўтавакзала і чыгуначнага вакзала. Там дзве вялікія залі з добрым рамотам і мэбляй. Плошча хаба каля 120 м2.
— У нас хутчэй за ўсё будуць праходзіць адукацыйныя сустрэчы, нейкія прэзентацыі, сустрэчы з цікавымі людзьмі, дыскусійны клуб. Мы плануем стварыць дэбат-клуб, каб гэта была такая пляцоўка на якой можна было б выказацца і вырашыць нейкія спрэчныя моманты, якія час ад часу ўзнікаюць. Гэта будзе каворкінг, калі людзі могуць прыходзіць і проста карыстацца інтэрнэтам, пляцоўкай. Асноўная мэта – гэта прадставіць пляцоўку для любых беларускіх ініцыятыў, якія захочуць развівацца. Папярэдне мы размаўлялі з Уладзімірам Арловым, ёсць дамова, што магчыма будзе нядзельная гістарычная школка для дзяцей, — распавёў прадстаўнік хабу Зміцер Антончык.
Афіцыйнае адкрыццё хаба «Новая зямля» пройдзе 3-га снежня, а 14:00 па адрасе вул. Вышынскага 6A/ul.Wyszyńskiego 6A.
