Беларусаў заклікаюць паставіць подпісы за беларускую школу ў сталіцы Польшчы. Подпісы прымаюцца толькі ад беларусаў, якія жывуць у Варшаве.
Ініцыятарамі збору подпісаў выступаюць Дабрачынны фонд Życie, Беларуская школа мастацтваў імя М. Равенскага і Школа-сад для беларусаў замежжа «Я дома». На правядзенне кампаніі ёсць толькі тыдзень — ад 16 да 21 студзеня.
Паставіць подпіс можна ў офісе «Беларускай Салідарнасці» з панядзелка па пятніцу 12:00-19:00 (ul.Hoża 41 m.2, 00-681 Warszawa).
Подпісы таксама можна пакінуць на пляцоўках:
- Дабрачынны фонд Życie ul. Jaworzyńska 8/7 (панядзелак-пятніца 10:00-16:00)
- Музей Вольнай Беларусі ul. Foksal 11, 00-327 Warszawa (аўторак-чацвер 16:00-20:00, субота-нядзеля 12:00-20:00)
- Free Belarus Centre ul. Mokotowska 24 оф. 64, (паверх 3, 19 і 20 студзеня, 10:00-18:00)
- Гандлёвы Цэнтр Złoty Tarasy ul. Złota 59, 00-120 Warszawa (паверх 0, каля ўваходу да кавярні Costa Coffee, толькі ў суботу 21 студзеня, 9:00-21:00)
У Беластоку збіралі подпісы за ўрокі беларускай мовы
У канцы 2022 года дыяспара Беластока збірала подпісы, каб арганізаваць урокі беларускай мовы для школьнікаў з Беларусі.
Мэта кампаніі па зборы подпісаў — арганізаваць заняткі беларускай мовы ў польскіх школах. Беларускую мову ў Беластоку з усіх школ цяпер выкладаюць толькі ў чацвёртай. Прычым вывучаць яе могуць толькі прадстаўнікі беларускай нацыянальнай меншасці — тыя дзеці, чые бацькі маюць польскае грамадзянства і лічаць сябе беларусамі.
Улады адказалі беларусам, што разумеюць праблему: па цяперашнім заканадаўстве ўрокі беларускай мовы мусяць арганізоўваць толькі для тых дзяцей, у якіх хаця б адзін з бацькоў мае польскае грамадзянства. Таму ўлады запланавалі сустрэчу для абмеркавання праблемы, на якой будуць удзельнічаць прадстаўнікі дэпартамента адукацыі Беластока, міністэрства адукацыі з Варшавы і адміністрацыі ваяводства. Гэтая сустрэча мае адбыцца 18 студзеня.
Каб сустрэліся дзве беларускасці. Як у Беластоку змагаюцца за ўрокі беларускай мовы
