Музыка і былы палітвязень Ігар Банцар з 27 красавіка знаходзіцца ў псіхіятрычным шпіталі ў Варшаве. Гэтую інфармацыю ён пацвердзіў у каментары Белсат, перадае Еўрарадыё, і заявіў, што мае намер звярнуцца ў суд. Яго затрымалі ў Варшаўскім Цэнтры сямейнай дапамогі.
— Так, сапраўды я знаходжуся ў варшаўскай псіхушцы. Мала таго — мне ўжо паставілі дыягназ і пачалі фаршаваць нейкім наркотыкам, таблеткамі нейкімі, без маёй згоды. Які дыягназ? Нешта там нейкая шызафрэнія маніякальная. І я магу пагражаць жыццю і здароўю іншых людзей з-за сваёй агрэсіі. Мяне забралі за беларускі акцэнт, мае чорныя пазногці і мае татуіроўкі. Нібыта з-за агрэсіўных паводзінаў, — расказаў ён.
Паводле яго слоў, яго пазаўчора забрала паліцыя і прывезла ў бальніцу ў кайданках. Ён сцвярджае, што не быў пад уплывам алкаголю і наркотыкаў, бо ўжо даўно ад іх адмовіўся. Тэст, які зрабілі ў шпіталі, наяўнасць алкаголю ў крыві не выявіў.
У 2021 годзе панк-музыка Банцар атрымаў паўтара года «хіміі» за танец без штаноў перад машынай міліцыі. Ён вызваліўся ў снежні 2021 года, але сёлета ў жніўні яго затрымалі зноў. Банцару некалькі разоў прызначалі адміністрацыйны арышт па артыкуле аб распаўсюджванні экстрэмісцкіх матэрыялаў. Ён правёў за кратамі 45 сутак і пасля вызвалення з’ехаў з Беларусі.
Споры о криптовалютах и новый сервис Bolt. Главные новости Польши за неделю
Новое противостояние президента и премьера связано с криптоактивами. Кароль Навроцкий наложил вето на закон о криптовалютах, который должен был снизить...
