Дарагія сябры!
16 студзеня MOST Media споўнілася два гады. За гэты час мы распавялі сотні гісторый тых, хто гатовы быў падзяліцца поспехамі, праблемамі, звярнуцца па дапамогу або прапанаваць яе. Мы давалі парады па перасячэнні мяжы (куды б вы ні ехалі), бяспецы і адаптацыі да рэчаіснасці (у якой бы краіне вы ні захацелі застацца). Мы пабудавалі інфармацыйны мост, які злучае беларусаў у Беларусі і беларусаў у Польшчы.
За два гады мы ператварыліся з маленькай ідэі ў буйны праект з уласнымі відэапраграмамі і сайтам навін. Мы ганарымся тым, што сталі не проста інфармацыйным рэсурсам, але і своеасаблівай кнігай скаргаў беларусаў у Польшчы. Ваш давер — гэта тое, што мы цэнім больш за ўсё. І мы не перастаем здзіўляцца, як шмат таго, чаго мы змаглі дасягнуць разам. Мы стараемся быць апорай, якая падтрымлівае вас у цяжкія моманты.
Але ўспамінаючы гэтыя два гады, мы ўсведамляем, што наша з вамі падарожжа было не толькі радасным і яркім, але і поўным выклікаў. Беларускі медыясектар сутыкаецца з цяжкімі выпрабаваннямі, і ў нас таксама ёсць свае праблемы. І ўсё ж мы ўпэўненыя, што зможам пераадолець цяжкасці.
Два гады — гэта падстава не толькі святкаваць, але і задумацца пра будучыню. Наша мэта — быць для вас не проста крыніцай інфармацыі, але і надзейным саюзнікам у складаныя часы. Таму мы будзем удзячныя, калі вы падтрымаеце нас на Patreon.
А яшчэ падтрымаць нас з карысцю для Вашага бизнесу можна, замовіўшы ў нас рэкламу.
Дзякуем Вам за пастаянную падтрымку, веру ў нас і цёплыя словы. Без чытачоў мы б не змаглі прайсці гэты шлях. Няхай гэты дзень будзе напоўнены гонарам за дасягненні і упэўненасцю ў будучыні.
З удзячнасцю,
Каманда MOST Media
