Кіраўнік МЗС Польшчы Радослаў Сікорскі закрануў тэму палітычных рэпрэсій у Беларусі, выступаючы на сустрэчы міністраў замежных спраў краін Еўрасаюза ў Бруселі.
«Хачу выказацца пра сітуацыю ў Беларусі, дзе адбудуцца фэйкавыя выбары. Усе мы памятаем, што апошнія прэзідэнцкія выбары былі сфальсіфікаваныя. Усе мы памятаем, што хваля рэпрэсій у Беларусі не спадае. Прапарцыйна колькасці насельніцтва сітуацыя з рэпрэсіямі горшая, чым у нас падчас ваеннага становішча (у 1981-1983 гадах. — Заўв. MOST). Нагадваю, што сёння ў Расіі і Беларусі больш палітвязняў, чым пры Брэжневе ў Савецкім Саюзе», — прыводзіць словы Радослава Сікорскага польскае агенцтва PAP.
Ён таксама звярнуў увагу, што Беларусь дазволіла выкарыстоўваць сваю тэрыторыю для расійскай агрэсіі супраць Украіны і размясціць на сваёй тэрыторыі расійскую ядзерную зброю.
