Дзяржаўны цэнтр бяспекі Польшчы фіксуе новыя спробы беларускай і расейскай прапаганды сфармаваць негатыўны вобраз Польшчы. Вынікі маніторынгу апублікаваныя ў сацсетцы Х цэнтра.
Маніторынг, праведзены цэнтрам, дазволіў зафіксаваць некалькі пасылаў прапагандыстаў. Па-першае, яны распаўсюджваюць інфармацыю, што Польшча настройвае свае ўзброеныя сілы супраць Беларусі.
Па-другое, працягваецца рыторыка на тэму таго, што польскія і заходнія спецслужбы каардынуюць правакацыі і дыверсіі, якія нібыта павінны быць ажыццёўлены ў Беларусі і Расіі, а таксама рыхтуюць атакі супраць палякаў, у якіх маюць намер абвінаваціць Расію і Беларусь. Апошні тэзіс нядаўна агучыў Лукашэнка на нарадзе з сілавікамі.
Па-трэцяе, прапаганда сцвярджае, што ва Украіне ваююць польскія найміты, а Польшча рыхтуецца да вайны з мэтай вярнуць «Крэсы ўсходнія».
У цэнтры бяспекі лічаць, што дэзынфармацыя, якая распаўсюджваецца ў Расіі і Беларусі, з’яўляецца «спробай сфармаваць вобраз Польшчы як агрэсіўнай і ваяўніча настроенай дзяржавы, якая падагравае канфлікт і перашкаджае ўсталяванню міру».
RU i BY aparat propagandowy kontynuuje kształtowanie fałszywego wizerunku Polski.
Dezinfo wymierzone w PL to próba kształtowania wizerunku RP jako agresywnego i ofensywnie nastawionego państwa, które „podgrzewa konflikt” i stoi na przeszkodzie do zawarcia pokoju. pic.twitter.com/WgRIzZJ1dk
— Rządowe Centrum Bezpieczeństwa (@RCB_RP) February 28, 2024
Не забудзь падпісацца на MOST у Тэлеграм. Мы галоўнае медыя беларусаў у Польшчы.
