У складзе памежнай службы Польшчы створаныя падраздзяленні для аказання медычнай дапамогі мігрантам, якія нелегальна перасеклі мяжу з боку Беларусі. Яны будуць займацца пошукам і выратаваннем людзей «з нявызначаным прававым статусам», якія згубіліся ў памежным лесе, у багністых або цяжкадаступных месцах, а іх жыццю і здароўю пагражае небяспека.
Групы аснашчаныя неабходным абсталяваннем і тэрмакоўдрамі і будуць супрацоўнічаць з няўрадавымі арганізацыямі і медычнай службай. Гэтая праца павінна прадухіліць гуманітарны крызіс на мяжы.
Нагадаем, раней польскіх памежнікаў неаднаразова абвінавачвалі ў выкарыстанні практыкі пушбэкаў — выштурхоўванні мігрантаў на беларускі бок. Польскі суд разглядае такія дзеянні як незаконныя і якія супярэчаць міжнародным абавязкам Польшчы.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
