Некаторыя беларусы атрымліваюць электронныя лісты ад імя «валанцёрскай службы праекта новага нацыянальнага пашпарта Беларусі». У іх грамадзянам прапануюць пакінуць персанальныя даныя для «невялікага сумоўя». Рабіць гэтага не варта, бо за паведамленнямі могуць стаяць спецслужбы.
«Гэта — чарговы фэйк ад рэжыму, які ставіць на мэту сабраць персанальныя даныя беларусаў», — заявілі ў прадстаўніцтве па замежных справах Аб’яднанага пераходнага кабінета.
Там звярнулі ўвагу, што:
- У праекта новага нацыянальнага пашпарта Беларусі няма ніякай валанцёрскай службы;
- АПК не збірае і не плануе збіраць аніякія персанальныя даныя беларусаў праз інтэрнэт і звязвацца праз Gmail.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
