25 сакавіка, у Дзень Волі, дэмакратычная лідарка Святлана Ціханоўская звярнулася да беларусаў з прамовай.
«Мы вымушаны ладзіць урачыстасці ў замежжы, а не на роднай зямлі. Мы не можам святкаваць з лёгкім сэрцам, бо тысячы людзей знаходзяцца за кратамі. Мы кажам «Дзень волі», але разумеем: сёння наша краіна апынулася ў закладніках Расійскай імперыі, якая вядзе захопніцкую вайну супраць Украіны, знішчае нашу незалежнасць і нашу ідэнтычнасць. Тым не менш я ўпэўнена: у нашых з вамі сілах змяніць сітуацыю», — сказала яна.
Ціханоўская сцвярджае, што беларусы асэнсавалі, што шлях да свабоды не бывае хуткім і лёгкім.
«Мы атрымалі ўнікальны — хоць і балючы — гістарычны вопыт. І сёння імкнёмся яго скарыстаць, каб зноў стаць вольнымі», — сказала яна.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
