Інфармацыя наконт магчымага пераезду Офіса Святланы Ціханоўскай у Польшчу не з’яўляецца пацверджанай, заявіў MOST яе дарадца па дыпламатычных пытаннях Дзяніс Кучынскі.
— Мы ніякага такога рашэння не маем. Працягваем працаваць у штатным рэжыме ў Вільні. Святлана Ціханоўская знаходзіцца пад апекай Літвы. Мы абмяркоўваем з літоўскімі ўладамі новую сістэму бяспекі, — сказаў ён.
Раней «Наша Ніва» паведаміла, што Святлане Ціханоўскай не вярнулі ахову ў Літве. Знялі ахову як для супрацоўнікаў на офісе, так і персанальную для Ціханоўскай. Частка супрацоўнікаў Офіса праз гэта нібы збіраецца пераязджаць у Польшчу — і разглядаюць варыянты памяшкання ў Варшаве. Частка застанецца ў Літве.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
