Пра інцыдэнт на польска-беларускай мяжы паведамляе памежная служба Польшчы. Уначы 1 лютага сігнальная ракета з боку Беларусі ўпала на польскі бок. У гэтым месцы знаходзіцца пастаянны пост польскіх службаў.
— Гэта чарговыя правакацыі. Калі страляюць з сігнальнай зброі, то мы не ведаем, ці будуць яны потым страляць халастымі або баявымі патронамі. Такія дзеянні не павінны адбывацца на мяжы, яны нагнятаюць эмоцыі, тым больш што там пастаянны пост службаў, — распавяла прэс-сакратар пагранічнай службы Польшчы Ганна Міхальска
28 студзеня на мяжы з Беларуссю, у раёне пляцоўкі памежнай аховы Міхалова, польскія памежнікі знайшлі манекен мігранта. Манекен быў на памежнай паласе. Міністэрства абароны Польшчы лічыць, што манекен могуць выкарыстоўваць беларускія службы для дэзінфармацыі.
Раней польскія службы паведамлялі пра тое, што беларускія ваенныя амаль штодня дапамагаюць мігрантам переходзіць мяжу.
