Лукашэнкаўскі рэжым прызнаў каманду MOST «пад кіраўніцтвам» Руслана Кулевіча «экстрэмісцкім фарміраваннем».
17 мая Міністэрства ўнутраных спраў вырашыла, што «група грамадзян пад агульным кіраўніцтвам грамадзяніна Кулевіча Р.Ч. і аб’яднаных пад назвай MOST, у тым ліку праз інтэрнэт-рэсурсы, ажыццяўляе экстрэмісцкую дзейнасць».
«Экстрэмісцкім фарміраваннем» прызналі: сайт MOST, Telegram-канал выдання з чат-ботам и чатам, YouTube-каналы «Мы вернёмся» и «Беларусы могут», Instagram-старонку, Facebook-старонку, старонку ў «ВКонтакте» і «Аднакласніках», акаўнты ў Twitter і TikTok.
Да «экстрэмісцкага фарміравання» лукашэнкаўскія структуры аднеслі асабістыя старонкі галоўнага рэдактара MOST Руслана Кулевіча ў Telegram, старонкі ў «ВКонтакте», Facebook, «Аднакласніках», Instagram. Таксама «забароненым» лічыцца лагатып MOST Media.
MOST заўсёды працаваў адкрыта. Да нас у рэдакцыю можа зайсці кожны чытач. Такая смеласць не можа не раздражняць дыктатарскі рэжым, які ўсе гады свайго існавання імкнецца застрашыць і знішчыць любое праяўленне свабоды і салідарнасці. Для нас нічога не змянілася, мы працуем далей і будуем MOST, які прывядзе нас да дэмакратычнай Беларусі.
* * *
Калі для вас гэта бяспечна, то вы заўсёды можаце чытаць нас у Instagram, Telegram, Facebook, Twitter, а таксама глядзець наш TikTok ці YouTube-канал «Мы вернёмся» і «Беларусы могут».
Таксама вы можаце дапамагчы нам на Patreon ці зрабіць у нас рэкламу.
Падтрымайце беларускую незалежную журналістыку!
