Фестываль беларускай традыцыі SONCAHRAJ пройдзе на Падляшшы ўжо ў гэтыя выхадныя. Мерапрыемствы запланаваныя амаль на ўсе выхадныя чэрвеня. Уваход паўсюль — абсалютна вольны. Расказваем, якая чакаецца праграма і мерапрыемствы.
9 чэрвеня
У пятніцу, 9 чэрвеня ў 17:00, у Дубічах Царкоўных (Dubicze Cerkiewne) пад Гайнуўкай пачнецца фестываль беларускай традыцыі SONCAHRAJ, які ладзіць фонд Tutaka.
у Дубічах Царкоўных выступяць:
- Спеўны гурт з Дубіч Царкоўных;
- «Малінкі»;
- «Каляжанкі» (Беларусь);
- Капэла «Колісьнія» (Беларусь).
Адбудзецца «Спеўны сход» з Сержуком Доўгушавым, майстар-класы традыцыйнага падляскага ручніка з Алінай Дэмбоўскай і кірмаш мясцовых Колаў Вясковых Гаспадынь.
10 чэрвеня
На наступны дзень, 10 чэрвеня, фестываль едзе з Дубічаў Царкоўных у Саколі. Пачатак мерапрыемстваў у 17:00.
Чакаюцца выступы наступных гуртоў:
- «Чырвоныя Шпількі»;
- «Наўзаем»;
- «Каляжанкі» (Беларусь);
- Капэла «Колісьнія» (Беларусь).
Там жа пройдуць і «Спеўны сход» з Сержуком Доўгушавым, майстар-класы традыцыйнага падляскага ручніка з Алінай Дэмбоўскай і кірмаш мясцовых Колаў Вясковых Гаспадынь
18 чэрвеня
У наступную нядзелю, 18 чэрвеня, фестываль едзе ў Цяснэ ля Супрасля. Пачатак — у 17:00.
Выступяць наступныя музыкальныя гурты:
- «Журавінкі»;
- «Жэмэрва»;
- «Беларускі цуд» (Літва);
- Капэла «Колісьнія» (Беларусь).
Адбудзецца «Спеўны сход» з Сержуком Доўгушавым, майстар-класы традыцыйнага падляскага ручніка з Алінай Дэмбоўскай і кірмаш мясцовых Колаў Вясковых Гаспадынь.
24 чэрвеня
24 чэрвеня, у суботу, падчас фестывалю будуць святкаваць Купалле ў Бандарох. Будзе вогнішча, вянкі, радасць, лета ды фінал фестываля беларускай традыцыі SONCAHRAJ.
Ад 16:00 будуць праходзіць розныя майстар-класы:
- купальскія зёлкі з Агнешкай Прымакай;
- традыцыйныя крайкі з Ірынай Мазюк;
- падляскі абрадны ручнік з Алінай Дэмбоўскай;
- выцінанка;
- традыцыйныя інструмэнты (дуда, ліра ды іншыя);
- майстар-класы беларускіх традыцыйных танцаў;
- супольна запляцём вянкі і развучым купальскія песні.
У вялікім фінале прымуць удзел наступныя музычныя гурты:
- Спеўны гурт з Дубіч Царкоўных;
- «Чырвоныя Шпількі»;
- «Журавінкі»;
- ZHRAJA;
- Капэля Алены Мялешкі (Беларусь);
- Спеўны гурт з Дабрывады;
- «Беларускі цуд» (Літва);
- Капэла «Колісьнія» (Беларусь);
- Miareža (Беларусь);
- Hajda Banda / Гайда банда.
Арганізатары прапаноўваюць узяць з сабой намёты і заначаваць на мясцовым кэмпінгу.
