Былы камандзір вайсковай часткі польскага спецназа GROM Раман Полька пракаментаваў «Радыё Свабода» інцыдэнт з беларускімі верталётамi ля польска-беларускай мяжы.
«Пілоты дастаткова разумныя, каб ведаць, як карыстацца GPS і іншымі прыладамі, яны выдатна ведаюць тэрыторыю, на якой дзейнічаюць, сама мяжа добра бачная зверху, так што я выключаю памылку», — сказаў адстаўны афіцэр польскага спецназа.
На яго думку, прычына несвоечасовага выяўлення парушэння паветранай прасторы Польшчы можа быць «у арганізацыйнай культуры, якая блакуе ініцыятывы на ніжэйшых узроўнях мясцовага вайсковага кіраўніцтва па інфармаванні вышэйшага кіраўніцтва».
