15 кастрычніка ў Польшчы павінен адбыцца рэферэндум. Одно з чатырох пытанняў, на якія прапануецца адказаць палякам, звязана з Беларуссю. Яно сфармулявана так: «Ці падтрымліваеце вы знос бар’ера на мяжы Польшчы з Беларуссю?».
«Радыё Ўнэт» спытала наконт гэтага беларусаў, якія жывуць у Польшчы. У адказах яны абмяркоўвалі агароджу на мяжы.
— Я лічу, што любая пабудова, якая б яна ні была, усё роўна мае такі стрымліваючы характар. Канешне, я б яе яшчэ пакінула і не на адно дзесяцігоддзе, скажам так… Так будзе спакайней і палякам, і ўсім беларусам, якія ўцяклі з краіны.
— Я думаю, што гэта было хоць нейкай перашкодай для мігрантаў. Калі зараз сцяну гэтую прыбраць, гэта проста развяжа рукі Лукашэнку і ён зноў зможа там ладзіць якія-небудзь правакацыі. Для таго, каб ізноў не будаваць гэтую сцяну, мне здаецца, ужо бессэнсоўна яе разбураць. Лепш пакінуць так, як ёсць. Пакуль рэжым Лукашэнкі захоўваецца і з кожным месяцам агрэсія з яго боку нарастае. Я думаю, што там ужо трэба бетонную будаваць, калі шчыра казаць.
Раней MOST у тэлеграм-канале спытаў падпісчыкаў пра тое, як бы яны адказалі на пытанне рэферэндума, без дэталізацыі, што маецца на ўвазе пад бар’ерам на мяжы.
Ліквідацыю бар’ера падтрымалі бы 19% апытаных, супраць выказаліся 56%. Яшчэ 25% не адказалі на пытанне.
