Лодзінскі тэатр імя Штэфана Ярача 9 кастрычніка пакажа ў Беластоку пастаноўку «Размова з катам». У аснове сюжэта — гісторыя ахвяры Сталінскіх рэпрэсій і былога ката, якія напрацягу 9 месяцаў знаходзяцца ў адной турэмнай камеры. Трупа прысвяціла спектакль журналісту і палітвязню Анджэю Пачобуту, звестак аб якім ужо даўно няма.
«Размова з катам» у чарговы раз нагадае гледачам пра хісткасць свету, тыранію і хвалю рэпрэсій, якая набыла беспрэцэдэнтныя маштабы.
Што яшчэ паглядзець пра Беларусь?
Калі сумуеце па айчынных пастаноўках, паглядзіце падборку спектакляў, якія зусім хутка пакажуць у Беластоку ў рамках фестывалю Kierunek Wschód.
Тэатральная група «Купалаўцы» прадставіць пастаноўку «Шэпт» 13 кастрычніка. Даследванне беларускіх шэптух, знахарак і міфічных істот увасобіў на сцэне рэжысёр Раман Падаляка.
15 кастрычніка можна будзе ўбачыць сумесную працу фундацыі Tutaka і тэатра «Тутэйшы». Пастаноўка «Святло ў цемры» заснаваная на тэкстах і біяграфіях беларускіх творцаў, якія былі рэпрэсаваныя ў 1937 годзе.
