У прыватных дамах Гайнаўкі і Кляшчэлі знойдзеныя архіўныя фотаздымкі жыхароў Падляшша — палякаў, беларусаў і яўрэяў. Больш за 13 тысяч здымкаў польска-беларускага памежжа змешчана на Albom.pl.
Па інфармацыі выдання Kurier Poranny, даследчыкі высветлелі, што вялікую колькасць здымкаў зрабіў Чэслаў Каміньскі, сям’я якога паходзіла з Мінска. Бацька Чэслава працаваў у Беларусі на паравой фабрыцы, а пазней быў касірам Грамадзянскай адміністрацыі Усходніх тэрыторый. У той жа час сам Чэслаў навучаўся ў Мінскай гімназіі, але не без перашкодаў — вучоба давалася яму складана. Хлопец заваліў экзамены па польскай і нямецкай мовах, не адлоеў і геаграфію. Бацьку давялося пісаць ліст дырэктару гімназіі з просьбай не адлічваць Чэслава.
Калі ў 1924 годзе сям’я пераехала ў Гайнаўку, Чэслаў зноў не вытрымаў экзамены ўжо ў польскай школе (на той момант юнаку было ўжо 20 гадоў) — прыйшлося ісці ў армію. Праз 8 гадоў малады чалавек трагічна загінуў. Але пасля сябе пакінуў шмат каштоўных для беларуска-польскага памежжа дакументаў: негатывы з Гайнаўкі, сямейныя фотаздымкі, а таксама здымкі чыгунцы ў Белавежы. Захаваліся таксама працоўныя дзённікі, лісты і рукапісныя нататкі.
Архіў не быў страчаны дзякуючы сям’і Петрачуковых — Пётр і Ганна набылі драўляны даваенны дом на вуліцы Варшаўскай у Гайнаўцы. Падчас рамонту яны знайшлі старыя негатывы і дакументы Чэслава.
