Беларускі драматург і рэжысёр Мікіта Ільінчык паставіў у Варшаве тэатральны праект, прысвечаны гуманітарнаму крызісу. Беларуска-польскі спектакль «Эмма» рааспавядае пра лёсы эмігрантаў: у кагосьці жыццё ў новай краіне складваецца вельмі ўдала, а нехта страчвае свой былы сацыяльны статус. Спектакль заснаваны на рэальных жыццёвых фактах.
Галоўная гераіня пастаноўкі — жанчына Эмма ва ўзросце прыкладна 40 з нечым гадоў, эмігрантка, якая дасканала адаптавалася ў Польшчы, пераказвае сюжэт Польскае радыё. Яна паспяховая бізнес-вумен: уладальніца будаўнічай кампаніі, дзе працуюць нелегальныя мігранты. У гэтым яна не бачыць нічога кепскага — наадварот, лічыць, што дапамагае людзям. Альбо проста не хоча бачыць таго, што выкарыстоўвае людзей, якія трапілі ў безвыходную сітуацыю. Больш за тое, Эмма замешаная ў перакідванні нелегалаў праз мяжу.
Мікіце Ільінчыку было важна адлюстраваць сітуацыю з беларускай перспектывы. Польскаму радыё рэжысёр распавёў, што, на яго думку, гэтая тэма адсутнічае ў айчынным тэатры:
— У Польшчы Агнешка Холанд зняла фільм «Зялёная мяжа» пра гуманітарны крызіс на беларуска-польскай мяжы. Я так разумею, што ў беларускім мастацтве, беларускім тэатры адсутнічае гэтая тэма (…). Я лічу, што палякі разумеюць тое, што мы паказалі ў п’есе. І мне вельмі прыемна, што сярод гледачоў — і палякі, і беларусы. Палякі ўспрымаюць згаданы гуманітарны крызіс са свайго боку, а я хацеў паказаць гэтую праблему з беларускай перспектывы.
