Wyborcza са спасылкай на актывісцкую Grupa Granica расказвае, што ля польска-беларускай мяжы ў балотах захраслі пяцёра мігрантаў. Патрабуецца выратавальная аперацыя.
Актывісты Granica Group паведамілі, што на польскім баку граніцы ў раёне балот знаходзяцца пяцёра ўцекачоў з Сірыі і Емена. Яны хочуць папрасіць прытулак у Польшчы.
— Мы кантактуем з адным з ім пастаянна. Яны прамоклі і змірыліся. Аб іх драматычнай сітуацыі ўначы мы паведамілі ў Дзяржаўную пажарную службу ў Гайнаўцы, але пакуль не маем інфармацыі, ці хтосьці прыйдзе іх ратаваць, — расказала Марыся Зланкевіч з ініцыятывы Chlebem i Solą.
Актывісты адзначаюць, што калі польскія службы не прыйдуць на дапамогу, то яны просяць дазволу на ўласную выратавальную аперацыю.
